Xalq qəzetində " Goranboy: “ Şəhid valideynlərinin kədəri xalqın kədəridir...” " başlıqlı məqalə dərc edilib.
Rayon İcra Hakimiyyətinin başçısı Məhərrəm Quliyev rayonun digər məsul şəxsləri ilə birlikdə Azərbaycan-Ermənistan sərhəddinin Daşkəsən, Kəlbəcər, Laçın və Zəngilan istiqamətlərində erməni silahlı birləşmələri tərəfindən törədilən genişmiqyaslı təxribatın qarşısının alınması zamanı yaralanmış və müalicə aldığı Mərkəzi Hərbi Klinik Hospitalda vəfat etmiş Şəfəq kənd sakini, Azərbaycan Respublikası Silahlı Qüvvələrinin XTQ mənsublu giziri, şəhid Qurbanov Yusif Asif oğlunun 3 mərasimində iştirak etmişdir.
Dünən isə rayon rəhbərliyi Şəhidlərimiz- Qızılhacılı qəsəbəsində Məmmədov Səfiyar Elşən oğlunun və Qaradağlı kəndində isə İmamquliyev Ümid Vüqar oğlunun 7 mərasimlərində iştirak etmişdir.
Məhərrəm Quliyev Şəhidlərin yaxınlarına bir daha başsağlığı vermiş və demişdir ki, bu kədər təkcə onların kədəri deyil, Azərbaycan xalqının kədəridir: “Siz başınızı dik tutmalısınız. Çünki buna haqqınız var. Bu məğrurluğu sizə övladlarınız bəxş edib. Onlar müqəddəs amal uğrunda canlarından keçiblər. Ali Baş Komandan, cənab Prezidentimiz İlham Əliyevin rəhbərliyi ilə böyük Qələbəyə nail olmuşuq. Fəxr etməlisiniz ki, bu qələbədə sizin övladlarınızın da payı var!”.
Hamlet QASIMOV,
“Xalq qəzeti”nin bölgə müxbiri
