Goranboylu hərbiçimiz, Vətən Müharibəsi iştirakçısı, avtoqəzada vəfat edən kapitan Araz Nazarov bu gün dəfn edildi.
21 dekabr 2022 | 11:02
Goranboy rayonunun Qızılhacılı qəsəbəsindən, Azərbaycan Respublikası Silahlı Qüvvələrinin zabiti, kapitan Nazarov Araz Fazil oğlu 21.12.2022-ci il tarixdə Füzuli rayonu ərazisində avtoqəzada vəfat edib. Hərbiçimiz Goranboy rayonu Balakürd kənd qəbirstanlığında dəfn edildi. Dəfn mərasimində Goranboy rayon İcra Hakimiyyətinin başçısı, rayonun digər rəhbər şəxsləri, ictimaiyyət nümayəndələri və hərbiçilər iştirak etdilər.
44 günlük Vətən Müharibəsi iştirakçısı kapitan Araz Nazarov döyüşlərdə göstərdiyi xidmətlərinə görə, “Qubadlının azad olunmasına görə”, “Cəbrayılın azad olunmasına görə” və “Laçının azad olunmasına görə” medalları ilə təltif olunmuşdur. Ailəli idi, 2 azyaşlı övladı var.
Allah rəhmət etsin.
Keçidlər
