Goranboylu güləşçilərimizdən növbəti uğurlar
24 iyun 2022 | 13:05
Goranboyun Qaradağlı kəndindən olan güləşçilərimiz Həsrət Cəfərov (67 kq) finalda türkiyəli Furkan Yıldıza 9:0 hesabıyla, Taleh Məmmədov (63 kq) finalda moldovalı dünya və Avropa çempionu Viktor Çiobanuya 4:2 hesabıyla qalib gələrək İtaliyanın Roma şəhərinin Matteo Pellikone turnirində qızıl medallar qazanıblar.
Qeyd edirik ki, bundan əvvəl Həsrət Cəfərov gənclər arasında keçirilən dünya çempionatında finalda erməni güləşçini 7-0 hesabı ilə məğlub edərək 1-ci yerin sahib olaraq qızıl medalı qazanıb. Belqradda keçirilən 23 yaşa qədər güləşçilərin Dünya Çempionatında isə iranlı rəqibi Cavad Rezaiyə qalib gəlib.
Polşanın paytaxtı Varşavada keçirilən güləş üzrə Avropa çempionatında 63 kq çəki dərəcəsində mübarizə aparan Taleh Məmmədov isə Avropa ikincisi olaraq gümüş medal qazanıb.
Keçidlər
