Goranboyda YAP rayon təşkilatının yaradılmasının 29-cu ildönümü ilə bağlı konfrans keçirildi.
Goranboy rayon İcra Hakimiyyəti və YAP rayon təşkilatının birgə təşkilatçılığı ilə YAP rayon təşkilatının yaradılmasının 29-cu ildönümü ilə bağlı konfrans keçirildi. Tədbirdə, rayon İcra Hakimiyyətinin başçısı Məhərrəm Quliyev, Milli Məclisin deputatı Pərvin Kərimzadə, YAP rayon təşkilatının sədri Samir Qocayev və partiyanın rayon fəalları iştirak etdilər. Tədbir iştirakçıları öncə, Ümummilli Liderimiz, Yeni Azərbaycan Partiyasının qurucusu Heydər Əliyevin rayon mərkəzində ucaldılmış abidəsini ziyarət etdilər. Sonra tədbir YAP rayon təşkilatının inzibati binasında davam etdirildi.Konfransda çıxış edən icra başçısı və digər natiqlər, Yeni Azərbaycan Partiyasının yaranmasını zərurətə çevirən amillərdən, həmin dövrdə ölkəmizdə mövcud olmuş ağır ictimai-siyasi vəziyyətdən bəhs etdilər. Çıxışlarda vurğulandı ki, Ümummilli Lider Heydər Əliyevin yaratdığı Yeni Azərbaycan Partiyası öz ətrafında cəmiyyətin bütün təbəqələrindən olan insanları birləşdirib. Bu gün YAP Ümummilli lider Heydər Əliyevin parlaq ideyalarının daşıyıcısı kimi cəmiyyətdə aparıcı rolunu daha da möhkəmləndirir və Azərbaycan Respublikasının Prezidenti, Yeni Azərbaycan Partiyasının sədri cənab İlham Əliyevin rəhbərliyi ilə partiyanın uğurları getdikcə daha da artır. Yeni Azərbaycan Partiyası cəmiyyətimiz üçün yaratdığı çoxsaylı nümunələrdən biri də partiya-lider-xalq birliyidir. Partiya Azərbaycan xalqının milliyyətindən, dinindən, sosial vəziyyətindən asılı olmayaraq bütün təbəqələrini özündə birləşdirir. Bu gün dövlətimizin qazandığı bütün nailiyyətlər Prezident, Yeni Azərbaycan Partiyasının sədri cənab İlham Əliyevin uğurlu siyasətinin nəticəsidir. Əsası Ulu öndər Heydər Əliyev tərəfindən qoyulan bu siyasət Azərbaycanı Cənubi Qafqazın lideri etməklə yanaşı, beynəlxalq müstəvidə də nüfuzunu əhəmiyyətli dərəcədə artırıb, ölkəmizi sülh və sabitlik adasına çevirib. Möhtərəm Prezident cənab İlham Əliyevin rəhbərliyi ilə öz sıralarını daha da genişləndirən partiya bu istiqamətdə işlərini davam etdirir. 1995-ci ildə yaradılan rayon ilk partiya təşkilatı da ötən bu 29 il ərzində rayonun ictimai siyasi həyatında xüsusi rol oynamışdır. Bu gün YAP rayon təşkilatı 7712 nəfər üzvü öz sıralarında birləşdirir. Tədbirdə Ümumilli Liderimizin əsrarəngiz və çoxşaxəli fəaliyyətini əks etdirən videoçarx izlənildi. Tədbirin sonunda bir qrup YAP fəallarına Fəxri Fərmanlar və qiymətli hədiyyələr təqdim edildi.
