Goranboyda, Xocalı Soyqırımının 33-cü ildönümü ilə bağlı “Qisasın alındı, Xocalı” adlı dəyirmi masa keçirildi
Goranboy rayon İcra Hakimiyyətinin təşkilatçılığı ilə Goranboy rayon Uşaq və Ailələrə Dəstək Mərkəzində Xocalı Soyqırımının 33-cü ildönümü ilə bağlı “Qisasın alındı, Xocalı.” adlı dəyirmi masa keçirildi. Görüşdə Xocalı soyqırımının şahidləri, soyqrımda həlak olmuş şəxslərin ailə üzvləri, Goranboy rayonu üzrə gənclər və idman sektoru, Goranboy Gənclər evi, rayon Uşaq və Ailələrə Dəstək Mərkəzinin əməkdaşları və rayonun fəal gəncləri iştirak etdilər. Əvvəlcə Xocalı soyqrımına həsr olunmuş “Tarixin izi ilə” adlı videoçarxa baxış keçirildi. Tədbirdə çıxış edən Xocalı soyqrımının canlı şahidləri Quliyev Qaryağdı Soltan oğlu və Cəbrayılov Məzahir Mikayıl oğlu itirdikləri ailə üzvülərinin ağrı-acısından və həmin gecədə törədilmiş erməni vəşiliklərindən danışdılar. Çıxış edən digər tədbir iştirakçıları, Ali Baş Komandan cənab İlham Əliyevin apardığı qətiyyətli və uğurlu mübarizəsi və qəhrəman ordumuzun fədakarlığı nəticəsində 44 günlük Vətən müharibəsində Xocalı faciəsi qurbanlarının qisasının aldığını, şəhidlərimizin qanının yerdə qalmadığını vurğuladılar.
