Goranboyda vətəndaş müraciətləri yerində araşdırılır və həlli istiqamətlərində zəruri əməli tədbirlər görülür.
Goranboy rayon Nizami kəndinin bir qrup sakinlərinin Azərbaycan Respublikası Prezidentinin Administrasiyasına ünvanladıqları müraciətləri rayon İcra Hakimiyyətinin məsul əməkdaşları və vətəndaşlarının birgə iştirakı ilə yerində araşdırıldı. Məlum oldu ki, 20 dən artıq fərdi yaşayış evində təbii qaz təhcizatı yoxdur. Bununla bağlı, Gəncə Regional Qaz İstismarı İdarəsi ilə əlaqə saxlanıldı və bildirildiki, evlərin təbii qazla təhcizatının 2024-2025 ci il tarixli tikinti planına əsasən, mərhələli şəkildə həyata keçirilməsi nəzərdə tutmuşdur. Bundan başqa, Nizami kənd sakini Səfxanov Nəsimi Kifayət oğlunun rayon İcra Hakimiyyətinə ünvanladığı müraciəti də yerində araşdırıldı. Məlum oldu ki, 28 iyul 2024 cü il tarixdə yağan güclü yağışlar nəticəsində N. Səfxanovun 1.00 ha əkin sahəsinin bir hissəsindən keçən sel suları 8 ədəd çuxur yaratmışdır. Həmin çuxurların aradan qaldırılması üçün əkin sahəsinin hamarlanması təmin ediləcəkdir.
