Goranboyda Silahlı Qüvvələr Günü ilə bağlı tədbir keçirildi.
Goranboy rayon İcra Hakimiyyətinin başçısı, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəhbərliyi, rayonun digər rəhbər şəxsləri, Şəhid ailələri, Qazilər və ictimai fəalların birgə iştirakı ilə, Azərbaycan Respublikası Silahlı Qüvvələr Günü ilə bağlı, rayon ərazisində yerləşən “N” saylı Hərbi Hissədə tədbir keçirildi. Tədbirdə çıxış edən İcra Başçısı Məhərrəm Quliyev, Azərbaycan Respublikası Silahlı Qüvvələrinin Müzəffər Ali Baş Komandanı cənab İlham Əliyevin siyasi iradəsi, qətiyyəti və rəhbərliyi altında, Rəşadətli Azərbaycan Ordusu tərəfindən ərazi bütövlüyümüzün və suverenliyimizin təmin olunduğunu bildirdi, Şəhidlərimizin əziz xatirəsi ehtiramla anıldı. Tədbirdə, rayon mədəniyyət evinin təqdimatında musiqi proqramı nümayiş etdirildi.
