Goranboyda şair, yazıçı-publisist İsgəndər Səklikovun 70 illik yubileyinə həsr olunmuş tədbir keçirildi
Goranboy rayon İcra Hakimiyyəti və Gəncə-Daşkəsən Regional Mədəniyyət İdarəsinin Goranboy Nümayəndəliyinin birgə təşkilatçılığı ilə Goranboy şəhər Mədəniyyət Mərkəzində şair, yazıçı-publisist, əməkdar müəllim İsgəndər Fərhadoğlunun (Səklikovun) 70 illik yubileyinə həsr olunmuş tədbir keçirildi. Tədbirdə, rayon İcra Hakimiyyətinin başçısı Məhərrəm Quliyev, rayonun digər rəhbər şəxsləri, ictimai fəallar, Azərbaycan yazıçılar və jurnalistlər birliyinin üzvü, Goranboy Ensiklopediyasının müəllifi, yazıçı-publisist Vəsimə İsmayılqızı, digər ziyalılar və yubilyarın ailə üzvləri iştirak etdilər. Tədbirdə, yubilyar barədə müxtəlif məzmunlu çıxışlar dinlədildi, mədəniyyət və incəsənət nümayəndələrinin ifalarında bədii musiqili proqram təqdim olundu.
