Goranboyda “Qərbi Azərbaycanlı irsinə səyahət” adlı tədbir keçirildi
Goranboy rayon İcra Hakimiyyəti, Qərbi Azərbaycan İcması və Gəncə-Daşkəsən Regional Mədəniyyət İdarəsinin Goranboy Nümayəndəliyinin birgə təşkilatçılığı ilə Goranboy rayon Heydər Əliyev Parkında təşkil olunan “Qərbi Azərbaycanlı irsinə səyahət” adlı tədbirdə rayon İcra Hakimiyyətinin başçısı Məhərrəm Quliyev, rayonun İdarə və təşkilat rəhbərləri, inzibati ərazi dairələri üzrə nümayəndələr və yerli bələdiyyələr, ictimai fəallar, ağsaqqal və ziyalılar, rayon ərazisində yaşayan bir qrup Qərbi Azərbaycanlılar və mədəniyyət işçiləri iştirak etdilər. Tədbirdə, Qərbi Azərbaycanlıların adət və ənənələrini, o cümlədən: kitab, xalça, mətbəxt və rəqslərini əks etdirən sərgilərə baxış keçirildi, idmançıların təqdimatında idman nümunələri nümayiş etdirildi.
