Goranboyda “Konstitusiya və Suverenlik İli”nə həsr olunmuş "gənc coğrafiyaçılar" adlı intelektual bilik yarışı keçirildi
“Konstitusiya və Suverenlik İli” ilə bağlı, Goranboy rayon İcra Hakimiyyətinin müvafiq Tədbirlər Planına uyğun olaraq, rayon İcra Hakimiyyəti, Gəncə-Daşkəsən Regional Gənclər və İdman İdarəsinin Goranboy rayonu üzrə gənclər və idman sektoru, Goranboy Gənclər evi və Goranboy-Naftalan rayonları üzrə təhsil sektorunun birgə təşkilatçılığı ilə Dəliməmmədli şəhər tam orta məktəbində "Gənc Coğrafiyaçılar" adlı "Breyn rinq" üzrə intellektual bilik yarışı keçirildi. Bilik yarışında ümumilikdə 96 nəfər gənc olmaqla, 16 komanda qalibiyyət uğrunda mübarizə apardı. Gərgin mübarizə şəraitində keçən yarışda Kəhrizli kənd tam orta məktəbin "İstiqlal" komandası 1-ci yerin, Borsunlu kənd 1 nömrəli tam orta məktəbin "Xarıbülbül" komandası 2-ci yerin, Qazanbulaq qəsəbə tam orta məktəbin "Xəzər" komandası 3-cü yerin qalibi oldular.
