Goranboyda, inzibati ərazi dairəsi üzrə nümayəndəliklərdə hesabat iclasları davam etdirilir
2024-cü il ərzində görülmüş işlər, mövcud problemlər və cari ildə qarşıda duran vəzifələr barədə, Goranlı və Kəhrizli kənd inzibati ərazi dairələri üzrə nümayəndəliklərdə keçirilən hesabat iclaslarında, rayon İcra Hakimiyyətinin məsul əməkdaşları, kənd inzibati ərazi dairələri üzrə nümayəndələr, yerli bələdiyyələr, ərazidə fəaliyyət göstərən xidmət təşkilatlarının rəhbərləri və kənd ictimaiyyətinin nümayəndələri iştirak etdilər. İclaslarda ilk olaraq, 2024-cü il ərzində rayonun ictimai-siyasi, sosial-iqtisadi və mədəni inkişafı sahəsində görülmüş işlər barədə rayon İcra Hakimiyyətinin məsul əməkdaşının çıxışı, rayon İcra Hakimiyyəti başçısının Goranlı və Kəhrizli kənd inzibati ərazi dairələri üzrə nümayəndələrinin hesabat məruzələri və sonra hesabat məruzəsi ətrafında kənd sakinlərinin fikirləri, əsas həlli vacib problemlər və təkliflər dinlənildi.
