Goranboyda ilaxır-torpaq çərşənbəsi bayram tədbiri keçirildi
19 mart 2025 | 12:18
Goranboy rayon İcra Hakimiyyətinin müvafiq Tədbirlər Planına uyğun olaraq, Xan Qərvənd kəndində ilaxır-torpaq çərşənbəsi Novruz bayramı tədbiri keçirildi. Tədbirdə Goranboy rayon İcra Hakimiyyətinin başçısı Məhərrəm Quliyev, Tərtər rayon İcra Hakimiyyətinin başçısı Müstəqim Məmmədov, 97 saylı Tərtər-Ağdərə-Goranboy seçki dairəsindən Milli Məclisin deputatı Anar Məmmədov, digər rəhbər şəxslər, Goranboy, Tərtər və Agdərə rayonlarından olan şəhid ailələri, qazilər, ağsaqqallar və ziyalılar iştirak etdilər. Tədbirdə mədəniyyət işçilərinin ifasında bədii proqram, folklor nümunələri, milli mətbəximizi və qədim adət-ənənələrimizi özündə əks etdirən əyani səhnələr nümayiş etdirildi, bayram tonqalı yandırıldı.
Keçidlər
