Goranboyda İcra Başçısı vətəndaşın müraciətini yerində araşdırdı.
44 Günlük Vətən Müharibəsi zamanı erməni silahlı birləşmələrinin atdığı artileriya atəşləri ilə əraziyə düşən mərmilərin partlaması nəticəsində Goranboy rayonunun bir neçə yaşayış məntəqəsində fərdi yaşayış evlərinə və sosial obyektlərə ziyan dəymişdir. Bununla bağlı, aidiyyəti dövlət qurumlarının iştirakı ilə yaradılmış müvafiq Komissiya tərəfindən yerlərdə dəymiş ziyanın müəyyən edilməsi məqsədi ilə monitorinqlər aparılmış,aktlar tərtib edilmişdir. Monitorinqlər zamanı Tap kənd sakini Aslanova İradə Boran qızının da fərdi yaşayış evinə ciddi ziyan dəyməsi Komissiya tərəfindən müəyyən edilmiş və yeni fərdi yaşayış evi inşa edilmişdir. Lakin vətəndaş İradə Aslanova ona inşa edilmiş yaşayış evinin otaq sayının layihədə nəzərdə tutulduğundan az olması barədə şikayət edir.
Goranboy rayon İcra Hakimiyyətinin başçısı Məhərrəm Quliyev aidiyyəti məsul şəxslərlə birgə, Tap kənd sakini Aslanova İradə Boran qızının müracətini yerində araşdırdı, problemləri ilə maraqlandı.
