Goranboyda İcra Başçısı Region Aqroparkda oldu.
Goranboy rayonunda 2018-ci ildə, 4,7 min ha ərazidə yaradılmış Aqroparkda 2,0 min ha “pivot” və meyvə bağları üçün “damcılama” suvarma sistemləri quraşdırılmış, 11 km-lik avtomobil yolu, “Şəmkir Maşın” kanalından 12,1 km-lik su kəməri, 400 min kub metrlik 2 ədəd su anbarı, 18 min tonluq taxıl anbarı, toxum- paketləmə zavodu, inzibati və yardımçı binalar inşa edilmiş, 64 ədəd texnika alınmışdır. Hazırda, Aqroparkın ərazisində 2100 ha taxıl və 370 ha qarğıdalı əkilmiş, 96 ha yeni meyvə bağları salınmışdır və 250 nəfərdən artıq işlə təmin edilmişdir. Goranboy rayon İcra Hakimiyyətinin başçısı Məhərrəm Quliyev Aqroparkda oldu, burada mövcud vəziyyətlə maraqlandı. Aqroparkda əkin sahələrinin suvarılmasının təmin olunması sahəsində müəyyən çatışmazlıqların aradan qaldırılması ilə bağlı, Aqroparkın icraçı direktoru ilə müzakirələr aparıldı. Bu istiqamətdə, mövcud su ehtiyyatlarından və alternativ su mənbələrindən səmərəli istifadə olunması məqsədi ilə rayon suvarma sistemləri idarəsinə tapşırıq və tövsiyyələr verildi.
