Goranboyda İcra Başçısı pambıq sahələrində yığıma hazırlığın vəziyyəti ilə maraqlandı
Goranboy rayon İcra Hakimiyyətinin başçısı Məhərrəm Quliyev aidiyəti məsul şəxslərlə birgə, Qızılhacılı qəsəbəsi və Yeni Yol kəndi ərazisində becərilən pambıq sahələrində oldu, burada pambığın yığıma hazırlıq vəziyyəti, bu sahədə görülən işlərlə yerində maraqlandı, bununla bağlı tapşırıq və tövsiyələrini bildirdi. Məlumat üçün bildiririk ki, rayonumuzda pambıqçılığın becərilməsi və tədarükü ilə bağlı “Azərpambıq” MMC, “Prime Cotton” MMC, “Goran-Cotton” MMC və "Azərşəkər" MMC fəaliyyət göstərir. Cari ilin məhsulu üçün, 1983,3 hektar sahədə pambıq becərilmişdir. Hazırda mövsümi pambıq yığımına hazırlıq işləri aparılır. Bu məqsədlə, laboratoriyaların və texnikaların pambıq yığımı dövrünə hazırlıq vəziyyəti ilə bağlı rayon İcra Hakimiyyəti və Dövlət Aqrar İnkişaf Mərkəzinin məsul şəxslərinin iştiakı ilə tədarükçü müəssisələrə yerində baxış keçirilmişdir.
