Goranboyda "Heydər Əliyev ili" nə həsr edilmiş ümumtəhsil məktəblərinin müəllimləri arasında intellektual bilik yarışması keçirildi.
Goranboy rayon Olimpiya İdman Kompleksində, "Heydər Əliyev ili" ilə bağlı, rayon İcra Hakimiyyəti, Gənclər və İdman İdarəsi, Azərbaycan Təhsil İşçiləri Azad Həmkarlar İttifaqı Goranboy rayon Komitəsi, Goranboy - Naftalan rayonları üzrə Təhsil sektoru və Goranboy rayon Olimpiya İdman Kompleksinin birgə təşkilatçılığı ilə rayonun ümumtəhsil məktəblərinin müəllimlərindən ibarət komandalar arasında " Lider Kuboku" devizi altında Nə? Harada? Nə zaman? formatında intellektual bilik yarışması üzrə rayon birinciliyi keçirildi. Bilik yarışmasında 16 komanda olmaqla 80 nəfər müəllim iştirak etdi. İştirakçılar ümumilikdə 45 sualdan ibarət 3 tur üzrə mübarizə aparmışdır. Final turunun nəticəsinə əsasən:
I Yer -Qızılhacılı qəsəbə 2 nömrəli tam orta məktəbin Apokalipsis komandası-33 xal
II Yer -Borsunlu kənd 1 nömrəli tam orta məktəbin Polad komandası-31 xal
III Yer -Faxralı kənd tam orta məktəbin Qurtuluş komandası-25 xal
