Goranboyda buraxılış imtahanında və olimpiadalarda yüksək nəticə göstərən şagirdlərlə görüş təşkil olundu.
Goranboy-Naftalan rayonları üzrə təhsil sektorunun tabeliyində fəaliyyət göstərən ümumtəhsil müəssisələrinin IX siniflər üzrə buraxılış imtahanında: Aşağı Ağcakənd qəsəbə tam orta məktəbindən - Xəlilzadə Turan Rac oğlu (275 bal), Goranboy şəhər 2 nömrəli tam orta məktəbindən - Quliyev Əli Elman oğlu (274 bal) və Goranboy şəhər 3 nömrəli tam orta məktəbindən - Məmmədova Aynur Saday qızı (272 bal) yüksək nəticələr göstərmişlər. Alpout kənd tam orta məktəbin 4-cü sinif şagirdi Şəfizadə Türkay Hamlet qızı Kenquru Beynəlxalq Riyaziyyat Müsabiqəsində və Səmədabad kənd tam orta məktəbinin 2-ci sinif şagirdi Nəsirov İsmayıl Namiq oğlu məktəblilər arasında keçirilən KİNGS Liqasında yüksək nəticələr göstərərək qızıl medallar qazanmışlar. Bu münasibətlə, Goranboy rayon İcra Hakimiyyətinin başçısı Məhərrəm Quliyev qalib şagirdlərimizlə, onların valideynləri və müəllimləri ilə görüşdü, nailiyyətləri ilə bağlı təbrik edərək şagirdlərimizə rayon İcra Hakimiyyəti Başçısının Fəxri Fərman və qiymətli hədiyyələrini təqdim etdi.
Şagirdlərimizi təbrik edir və daha böyük nailiyyətlər arzulayırıq.
