Goranboyda ali məktəblərə qəbul olan məzunlarla görüş keçirildi
06 sentyabr 2025 | 10:03
"Konstitusiya və Suverenlik ili" ilə bağlı, Goranboy Olimpiya İdman Kompleksində, ali məktəbə qəbul olan məzunlarla görüş keçirildi. Tədbirdə, rayon İcra Hakimiyyətinin başçısı Məhərrəm Quliyev, Milli Məclisin deputatı Anar Məmmədov, Gəncə-Daşkəsən Regional Təhsil İdarəsinin müdiri Elçin Kərimov, məzunlar, müəllimlər və valideynlər iştirak etdilər. Tədbirdə, 500-700 bal intervalında yüksək nəticə göstərmiş, ümumilikdə 79, o cümlədən 600-dən yuxarı bal toplamış 22 məzuna RİH Başçısının Fəxri Fərmanları və qiymətli hədiyyələr təqdim edildi.








