Goranboyda "5 mart-Bədən Tərbiyəsi və İdman Günü" ilə bağlı tədbir keçirildi
Goranboy rayon İcra Hakimiyyəti, Goranboy rayonu üzrə gənclər və idman sektoru, Goranboy-Naftalan rayonları üzrə təhsil sektoru və Azərbaycan Təhsil İşçiləri Azad Həmkarlar İttifaqı Goranboy rayon komitəsinin birgə təşkilatçılığı ilə "5 mart-Bədən Tərbiyəsi və İdman Günü" ilə bağlı, idman ictimaiyyətinin iştirakı ilə görüş təşkil edildi. Tədbirdə idman sahəsində əldə olunan uğurlardan və beynəlxalq yarışlarda qazanmış nailiyyətlərdən bəhs edən videoçarx nümayiş etdirildi. İdmanın inkişafında göstərdikləri xidmətlərə görə, məşqçi müəllimlər və idmançılar fəxri fərman və təşəkkürnamə ilə təltif olundular. Eyni zamanda "Bədən Tərbiyəsi və İdman Günü" münasibəti ilə müəllimlər arasında keçirilmiş nərd yarışının qalibləri mükafatlandırıldı.
