Şriftin ölçüsü :

Saytın rəngi :

Goranboy rayonunda “yel çərşənbəsi” qeyd edildi

12 mart 2025 | 09:45

Goranboy rayon İcra Hakimiyyəti və Gəncə-Daşkəsən Regional Mədəniyyət İdarəsinin Goranboy  rayonu üzrə nümayəndəliyinin birgə təşkilatçılığı ilə rayonun Nərimanlı kəndində Novruz bayramı ümumrayon tədbirləri çərçivəsində,  hava (yel) çərşənbəsi  bayram tədbiri keçirildi. Tədbirdə İcra Hakimiyyətinin başçısı Məhərrəm Quliyev, rayonun digər rəhbər şəxsləri, Şəhid ailələri, Qazilər və ictimaiyyətin nümayəndələri iştirak etdilər. İcra başçısı tədbir iştirakçılarını, xalqımızın milli adət-ənənələrini özündə əks etdirən Novruz bayramı münasibətilə təbrik edərək can sağlığı, bol ruzi və  sülh-əmin-amanlıq arzuladı. Tədbirdə rayonumuzun mədəniyyət işçilərinin  və incəsənət ustalarının  ifasında  bayram proqramı, folklor nümunələri  təqdim edildi, milli mətbəximizi və qədim adət-ənənələrimizi özündə əks etdirən əyani səhnələr nümayiş etdirildi.

Keçidlər