Goranboy rayonu ərazisində əsas turizm marşurutları üzrə, yolkənarı obyektlərin yenidənqurma və abadlaşdırılması işləri davam etdirilir.

Goranboy rayonu tarixi və maddi-mədəni abidələri ilə zəngindir və  ərazisi   turizmin inkişafı üçün geniş potensiala malikdir. Burada vaxtı ilə qeydiyyata alınmış və yeni aşkar edilmiş tarixi və maddi-mədəniyyət abidlərinə turizm marşurutunun qurulması, ekskursiyaların təşkili  məqsədəmüvafiq hesab olunur. Aşağı Ağcakənd  və Yuxarı Ağcakənd qəsəbələri, Rus Borisi, Yuxarı Ballıqaya, Buzluq, Erkeç, Mənəşli və Todan  əraziləri   turizmin  inkişafı üçün çox əlverişlidir. İl ərzində, orta hesabla rayonumuza 25-30 min nəfər  turist gəlir.  Bundan başqa yay mövsümündə Respublikanın hər yerindən rayona turistlər gələrək  fərdi yaşayış evləri kirayələyir. Rayon ərazisində  turizmi inkişaf etdirmək məqsədi ilə əsasən, Goran-Tap Qaraqoyunlu-Talış (Naftalan-Səfikürd-Qaraçinar-Meşəli-Gülüstan-Aşağı Ağcakənd-Yuxarı Ağcakənd-Yuxarı Ballıqaya-Buzluq-RusBorisi) və Bakı-Qazax avtomobil yollarının (Goranboy-Göygöl, Goranboy-Todan-Mənəşli) istiqamətləri üzrə mənzərələr, meşə örtüyü, tarixi və maddi-mədəniyyət abidələrinə ekskursiyalar təşkil olunur. COP29  ümumrespublika tədbirlərinə hazırlıq işləri  və “Yaşıl dünya naminə həmrəylik ili” ilə  bağlı, rayonumuzda həyata keçirilən silsilə tədbirlərə dəstək  məqsədi ilə, Goranboy rayonununda qeyd olunan əsas turizm marşurutları üzrə   turistlərin zövqünü oxşamaq, rayonumuz və ölkəmiz barədə xoş təsəüratlar yaratmaq üçün  yolkənarı obyektlərin müasir arxitektur üslubda abadlaşdırılması, yenidən qurulması və mövcud qanunvericiliyin tələblərinə uyğun müvafiq razılıq alınmadan qanunsuz tikinti işlərinin qarşısının alınması ilə bağlı, rayon İcra Hakimiyyəti tərəfindən əməli tədbirlər davam etdirilir.