Fəxralı kəndində sakinlərin su təminatının yaxşılaşdırılması sahəsində əsaslı işlər görülüb
15 fevral 2025 | 10:35
Goranboy rayon İcra Hakimiyyətinin başçısı Məhərrəm Quliyev rayonun digər rəhbər şəxsləri və bir qrup ictimai fəallarla birgə, Fəxralı kəndində fərdi yaşayış evlərinə çəkilmiş su xəttlərinin istifadəyə verilməsi ilə bağlı, kənd ictimaiyyəti ilə görüş keçirdi. İcra Başçısı, kəndin su təminatının yaxşılaşdırılması ilə bağlı, görülmüş işlərlə yerində tanış oldu, gələcəkdə bu istiqamətdə işlərin genişləndirilməsi məqsədilə tapşırıq və tövsiyələrini bildirdi. 760 fərdi yaşayış evi olan Fəxralı kəndində sakinlərin su təminatının yaxşılaşdırılması məqsədilə 2023-2024-cü illərdə 712 fərdi yaşayış evinə su xəttləri çəkilərək istifadəyə verilmiş, 48 evin isə növbəti mərhələdə su ilə təmin edilməsi nəzərdə tutulmuşdur.
Keçidlər
