Goranboyda İcra Başçısı və aidiyyəti dövlət qurumlarının rəhbər şəxsləri Aşağı Ağcakənddə oldular.
Goranboy rayon İcra Hakimiyyətinin başçısı Məhərrəm Quliyev Meliorasiya və Su Təsərrüfatı Açıq Səhmdar Cəmiyyətinin sədr müavini Zakir Quliyev, ASC-nin şöbə müdiri Elçin Məmmədov, FHN- nin və Azərsu ASC- nin məsul əməkdaşları, rayonun digər rəhbər şəxsləri, aidiyyəti xidmət sahələrinin rəhbərləri və RİH yanında Fövqəladə Hallar Komissiyasının üzvləri ilə birgə rayonun güclü leysan yağışları nəticəsində yaranmış seldən fərdi yaşayış evlərinə, təsərrüfatlarına və sosial obyektlərinə ziyan dəymiş Aşağı Ağcakənd və Yuxarı Ağcakənd qəsəbələrində oldular. Seldən zərər çəkmiş fərdi yaşayış evlərinə baxış keçirildi, vətəndaşların problemləri ilə maraqlanıldı, çay və kanalların təmizlənməsi, mövcud fəsadların aradan qaldırılması, gələcəkdə kollektor-drenaj şəbəkələrinin qurulması ilə bağlı müzakirələr aparıldı, aidiyyəti üzrə məsul şəxslərə tapşırıq və tövsiyyələr verildi.
