Goranboy rayon İcra Hakimiyyəti Başçısı yanında Şuranın iclası keçirildi.

Goranboy rayon İcra Hakimiyyəti  Başçısı yanında Şuranın  iclası keçirildi. İclasda  Başçı Yanında Şuranın üzvləri,  inzibati ərazi dairələri üzrə nümayəndə və yerli Bələdiyyə sədrləri, rayonun xidmət sahələrinin və rayonda fəaliyyət göstərən təşkilatların rəhbərləri, bir qrup ictimai fəallar; ağsaqqal, ziyalılar və sahibkarlar iştirak etdilər. Tədbiri giriş sözü ilə açan rayon İcra Hakimiyyətinin  başçısı Məhərrəm Quliyev Azərbaycan Respublikası Prezidentinin güclü siyasi iradəsi və davamlı dəstəyi sayəsində ölkədə aparılan kompleks islahatlaın ölkəmizin ötən ildə də yeni rekordlara imza atmasını,  Müzəffər Ali Baş Komandan  cənab İlham Əliyevin siyasi iradəsi, qətiyyəti və rəhbərliyi  ilə, Rəşadətli Azərbaycan Ordusu tərəfindən  işğal altında olan torpaqlarımızın azad olunması uğrunda aparılan və dünya hərb tarixinə qızıl hərflərlə yazılan 44 günlük Şanlı Vətən müharibəsi ilə azad edilmiş torpaqlarımızda genişmiqyaslı tikinti, bərpa və yenidənqurma işləri aparıldığını, Ölkə başçısının bölgələrə vaxtaşırı səfərləri, regionların sosial-iqtisadi inkişafı Dövlət Proqramının icrasına şəxsən nəzarət etməsi, sahibkarlığın inkişafına və  işsizliyin aradan qaldırılmasına yönəldilmiş bir sıra qlobal layihələrin həyata keçirilməsinin qarşıda duran vəzifələri icra etməyə imkan verdiyini qeyd etdi. İcra Başçısı bildirdi ki, regionların sosial-iqtisadi inkişafı Dövlət Proqramlarında nəzərdə tutulan tədbirlərin uğurlu icrası ölkəmizin bütün bölgələrində olduğu kimi, Goranboy rayonunun da inkişafına böyük təkan vermişdir. Dövlət Proqramına uyğun olaraq aqrar sahənin inkişafına diqqət, kənd təsərrüfatı məhsulları istehsalçılarına dövlət dəstəyi rayonda bir sıra mühüm nailiyyətlərin əldə olunması ilə nəticələnmişdir. Müzakirələrə başlamazdan öncə, torpaqlarımızın azadlığı və ərazi bütövlüyümüzün təmin olunması uğrunda şəhid olmuş vətən övladlarının xatirəsi bir dəqiqəlik sükutla yad edildi. İclasda, “2022-ci ilin I rübü ərzində rayonun sosial-iqtisadi inkişafı, ictimai-siyasi və mədəni sahəsində görülmüş işlər və  bu sahədə verilmiş tapşırıq və tövsiyyələrin  icra vəziyyəti  və həllim vacib məsələlər barədə”, “Bələdiyyə və Fond torpaqlarının istifadə vəziyyəti barədə”,  “Rayonda tikinti quruculuq və abadlıq işlərinin milli memarlıq ənənələri və müasir tələblərə uyğun təşkili, qanunsuz tikililərin qarşısının  alınması, tikinti normaları və şəhərsalma qaydalarına əməl olunması barədə” və  “Rayon İcra Hakimiyyətinin fəaliyyəti və rayonda keçirilən tədbirlər barədə məlumatların elektron portallarda və sosial  şəbəkələrdə yayılmasının təşkil edilməsi barədə”  məsələlər Şurada geniş  müzakirə edildi. Müzakirələr və çıxışlar zamanı qeyd edildi ki, Azərbaycan Respublikasının Prezidenti cənab İlham Əliyevin “yerlərdə vətəndaş məmnunluğunun təmin edilməsi” tələbini əsas tutaraq, vətəndaş müraciətlərinə baxılması, xüsusən də, Şəhid ailələri və Qazilərimizin problem və sosial qayğılarının obyektiv araşdırılması, bu sahədə operativlik, obyektivlik və şəffaflığın təmin edilməsi daim diqqətdə saxlanılmışdır.

Tədbrin sonunda, cənab Prezidentin müvafiq Sərəncamına əsasən  RİH Başçısı Aparatının sənədlərlə və vətəndaşların müraciətləri ilə iş şöbəsinin müdiri Yasin Məmmədova “dövlət qulluğunda fəqlənməyə görə” medalı təqdim edildi.