2025-ci ilin ilk səyyar qəbulu Goranboy şəhərində keçirildi
Azərbaycan Respublikası Prezidenti cənab İlham Əliyevin, yerlərdə vətəndaş müraciətlərinə operativ baxılması, obyektiv yanaşılması və bu istiqamətdə vətəndaş məmnunluğunun təmin edilməsi ilə bağlı, müvafiq Sərəncam və tapşırıqlarına uyğun olaraq, həmçinin bu istiqamətdə dövlət siyasətini əsas tutaraq, yerlərdə vətəndaşların səyyar qəbulları həyata keçirilir. Səyyar qəbullar-əhalini narahat edən problemlərin yerlərdə birbaşa həlli və sosial əhəmiyyətli sifarişlərin müəyyən edilməsi məqsədilə keçirilir. Bu məqsədlə, Goranboy rayon İcra Hakimiyyətinin başçısı Məhərrəm Quliyev, rayonun hüquq mühafizə orqanlarının və xidmət sahələrinin rəhbərləri və bir qrup ictimai fəallarla birgə, Goranboy şəhərində səyyar qəbul keçirdi. Goranboy rayonu Olimpiya İdman Kompleksinin akt zalında keçirilən qəbulda şəhər sakinlərini dinləyən icra başçısı mövcud problemlərin həlli ilə bağlı, aidiyyəti xidmət sahələrinin rəhbərlərinə və məsul şəxslərə yerində müvafiq tapşırıq və tövsiyələrini bildirdi. Tədbirin sonunda, Gənclər və İdman Nazirliyi tərəfindən 09 yanvar 2025-ci il tarixdə "Buta Palace" da keçirilən, 2024-cü ilin idman yekunlarına həsr olunmuş tədbirdə, "İlin ən yaxşı idman kompleksi" nominasiyası üzrə 2-ci yerə layiq görülmüş Goranboy rayon Olimpiya İdman Kompleksinin rəhbərliyinə Goranboy rayon İcra Hakimiyyəti Başçısının Fəxri Fərmanı təqim edildi.
