27 sentyabr - Anım günü ilə bağlı Goranboy şəhəri Şəhidlər Xatirə-Abidə Kompleksi önündə tədbir keçirildi.

28 sentyabr 2021 | 10:50

Erməni hərbi birləşmələrinin Vətənimizə qarşı, 27 sentyabr 2020-ci il tarixdən başlayan növbəti hərbi təcavüzünə cavab olaraq, Azərbaycan Respublikası Silahlı Qüvvələrinin Ali Baş Komandanı cənab İlham Əliyevin əmri və rəhbərliyi altında işğal altındakı torpaqlarımızın azad edilməsi uğrunda Şanlı Vətən müharibəsinə başlanmasından bir il ötür. 27 sentyabr - Vətən müharibəsi Şəhidlərimizin Anım günü ilə bağlı keçirilən ümumrayon tədbirləri çərçivəsində, bu gün Goranboy şəhəri Şəhidlər Xatirə-Abidə Kompleksində tədbir keçirildi. Tədbirdə rayon İcra Hakimiyyətinin başçısı Məhərrəm Quliyev, rayonun digər rəhbər şəxsləri, Şəhid ailələri, Qazilər və ictimaiyyət nümayəndələri iştirak etdilər.Tədbir iştirakçıları öncə, torpaqlarımızın azadlığı uğrunda canından keçən Şəhidlərimizin xatirəsinə inşa edilmiş Xatirə-Abidə Kompleksini ziyarət edib, Şəhidlərimizin ruhuna dualar oxunub, sonra Vətən müharibəsinə həsr olunmuş rəsm sərgisinə baxış keçirilib. Tədbirdə çıxış edən İcra Başçısı və digər natiqlər Müzəffər Ali Baş Komandanın rəhbərliyi altında, Qarabağın azadlığı uğrunda Rəşadətli Azərbaycan Ordusunun dünya hərb tarixinə qızıl hərflərlə yazılmış 44 günlük Şanlı Vətən müharibəsi barədə danışdılar.

Keçidlər