Qəhrəman goranboylular, koronavirus infeksiyasına qarşı birlikdə mübarizə aparaq !
Bu gün rayonumuzun 73 sakini koronavirus infeksiyasına yoluxmuşdur. Bununla əlaqədar olaraq rayon sakinlərinə ciddi xəbərdarlıq olunur. COVİD-19 infeksiyasına qarşı birlikdə mübarizə aparmalı, sosial məsafə saxlamalı, tibbi maska və tibbi spirtlərdən istifadə etməli, özümüzü və yaxınlarımızı bu xəstəlikdən qorumalı və başqalarını da bu qaydalara əməl etməyə təşviq edərək vətəndaşlıq məsuliyytimizi yerinə yetirməliyik.
Ölkədə xüsusi karantin rejimi qaydalarına əməl olunması ilə bağlı Nazirlər Kabineti yanında Operativ Qərargahın tələb və tövsiyyələrinə Goranboy rayonunda ciddi əməl olunur. Goranboy rayon İcra Hakimiyyəti yanında yaradılan mobil qruplar və könüllülər tərəfindən əhalinin sıx toplaşdığı yerlərdə pulsuz tibbi maska paylanılır və dezinfeksiya işləri görülür, maarifləndirici söhbətlər aparılır.
RİH başçısı yanında Operativ Qərargah tərəfindən həyata keçirilən monitorinq və maarifləndirmə tədbirləri müntəzəm davam etdirilir.
